Цвеќарството традиционално е специјалност на Холанѓаните, кои го опслужуваат светскиот пазар преку познатите цвеќни аукции. Во 2000 година, Romero Invest BV од Холандија, со помош на Холандската влада, инвестираше во развојот на цвеќарството во Република Македонија. Денес, Ромеро Македонија доо обработува 6 хектари стаклени бавчи, засадени главно со рози и додатни производи како кринови, хризантеми и пролетни цвеќиња. Дневното производство на рози се движи меѓу 5.000 и 15.000 стебла кои го наоѓаат нивниот пласман на пазарите во Македонија, Грција, Србија, Хрватска, Босна и Херцеговина, Бугарија и други држави од Југоисточна Европа.